د افغانستان ۱۴۳ پایلوټان په تاجیکستان کښې نیول شوي
رویټرز خبري اژانس وايي د تاجیکستان حکومت د اګست د میاشتې له نیمايي څخه د افغانستان هغه پایلوټان چې د طالبانو د غچ اخیستلو له ویرې دغه هیواد ته تښتیدلي دي نیولي دي .
د افغانستان یوسل درې څلویښت (۱۴۳) پایلوټان په دې دلیل چې امریکا ورته روزنه ورکړي وه د طالبانو لخوا د غچ اخیستلو له ویرې په شپاړسو (۱۶)الوتکو کښې تاجیکستان ته تښتیدلي دي .
تاجیکستان د افغانستان دغه پایلوټان د پلازمینې دوشنبې ښار د باندې په یوې(۱) غرنۍ سیمه کښې د روغتیا په یوه (۱) مرکز کښې نیولي دي او هغوې امریکا ته د تلو په هیله ناست دي .
د افغانستان یوه(۱) پایلوټ وویل مونږ نه پوهیږو چې چیرته مو بیايي خو ټول په دې خبرې اندیښمن یوو .
په عین حال کښې تاجیکستان ووویل په تیرو پینځلسو (۱۵) کلونو کښې یې د افغانستان څه د پاسه درې زره (۳۰۰۰) کورنیو یعني پینځلس زره(۱۵۰۰۰) افغان ښاریزو ته پناه ورکړي ده .
