په افغانستان کې د خبریالانو په ضد د تاوتریخوالو دوام
په افغانستان کې د خبریالانو د خوندیتوب کمیټه په دغه هیواد کې د خبریالانو په ضد د تاوتریخوالو له دوام څخه اندېښمنه ده. په افغانستان کې د خبریالانو د خوندیتوب کمېټې تېره ورځ اعلان وکړ چي په دغه هیوادکې له خبریالانو سره ناسم چلند او د هغوی ځورونه دوام موندلې ده.
د یادي کمیټې په راپور کې راغلې: په تېره یوه اوونۍ کې یو خبریال د نامعلومو وسله والو له لوري ډبول شوي او بل خبریال بیا د غور په ولایت کې د یوې بې وزلي کورنۍ د حالاتو په اړه د راپور جوړولو د امله له خپل کوره پسې اخیستل شوی دی.
دغه کمیټه زیاته کړه: سره له دې چي په افغانستان کې د طالبانو موقته حکومت د خبریالانو لپاره د حالاتو د برابرولو ژمنه کړې وه خو بیا هم خبریالان په دغه هیواد کې له تاوتریخوالو څخه ځوریږي.
د دې راپور پر بنیاد اوس مهال په افغانستان کې په لسګونه خبریالان بې روزګاره شوي دي.
