ازبکستان دې د افغانستان الوتکې او پوځي تجهیزات وروسپاري
د طالبانو موقتي حکومت له دې مخکې په تاجیکستان کې دیره پر افغان پیلوټانو هم غږ کړی ؤ چې خپل هیواد ته وګرځي او دخپلې خاورې دساتلو په فکر کې دې شي .
زمونږخبریال دصداي افغان خبری آژانس له قوله راپور راکړ،طالبانو د ازبکستان پر حکومت غږ کړی، د اشرف غني دحکومت په وروستیو شبو ورځو کې دغه هیواد ته منتقل کړائ شوي الوتکې او درست پوځي تجهیزات دې افغانستان ته بیرته وګرځوي .
په راپور کې وئيل شوي دي ،په افغانستان کې د طالبانو دموقته حکومت د لومړی وزیر مرستیال ملاعبدالغني برادر د افغانستان په چارو کې د اربکستان د ولسمشر له ځانګړي استازي عصمت ا... آقاارکش سره په کتنې کې وئيلی دي ،که دسیمې او نړۍ هیوادونه له اوسنیو مشکلاتو او ترینګلتیاؤ د افغانستان د ولس ویستل غواړي ، نو باید له افغانستان سره ملګرتیا وکړي .
د ازبکستان د پلاوي مشر عصمت ا... ارکش هم په دغې کتنې کې ووئیل ، د هغو درستو پوځي چورلکو او تجهیزاتو په باب چې ازبکستان ته منتقل کړائ شوي دي د نړیوالو قوانینو په اساس به فیصله وکړي .
ددغه راپور په اساس ، له دې مخکې په افغانستان کې د اشرف غني د حکومت په نسکوریدا او په افغانستان کې د طالبانو په ولکې پسې ددغه هیواد په لسګونو الوتکې ، چورلکې او پوځي تجهیزات ازبکستان او تاجیکستان ته منتقل کړائ شوي دي .
د طالبانو موقتي حکومت له دې مخکې په تاجیکستان کې دیره پر افغان پیلوټانو هم غږ کړی ؤ چې خپل هیواد ته وګرځي او دخپلې خاورې دساتلو په فکر کې دې شي .
