شپږ میلیونه افغانان په هیواد کښې دننه کډه په سر دي
د کډوالو د نړیوالې ادارې په یوه تازه راپور کې راغلي چې په افغانستان کې شپږ میلیونه کسان په هیواد د ننه بې ځایه شوي دي او د روان اقتصادي وضعیت له امله ښایي دا شمېره نوره هم لوړه شي
د کډوالو د نړیوالې ادارې په یوه تازه راپور کې راغلي چې په افغانستان کې شپږ میلیونه کسان په هیواد د ننه بې ځایه شوي دي او د روان اقتصادي وضعیت له امله ښایي دا شمېره نوره هم لوړه شي
دغه اداره وایي چې زیاتره خلک د اوچکالۍ، اقتصادي ستونزو او جګړو له امله بېځایه شوي وو. د کډوالو نړیوالې ادارې د راپور پر بنسټ یوازې په ۲۰۲۱ کال کې ۱،۳ میلیونه کسان په افغانستان کې بېځایه شوي وو او د دې کډوالي ستره برخه د جګړو له امله رامنځ ته شوې ده.
د کډوالو نړیواله اداره وایي چې په تېرو یوولسو کلونو کې شاوخوا ۴،۵ میلیونه افغانان بهرنیو هېوادونو ته کډه شوي دي. سرچینه کاږي چې د افغانستان زیاتره کډوال ګاونډیو هېوادونو ته مهاجر شوي دي.
