له پولو د افغانستان د خلکو په غیرقانوني وتلو بندیز ولګید

افغانستان کښې د طالبانو د موقته حکومت د کورنیو چارو وزارت د هیواد له سرحدونو د افغانانو غیرقانوني وتل ممنوع کړي دي

د افغانستان په سویل لویدیځ کښې د نیمروز ولایت لپآره د طالبانو د حکومت د پولیسو قومندان محمد ایوبي پرون وویل چې د طالبانو امنیتي ځواکونه له افغانستانه د خلکو له غیرقانوني وتنې سره مقابله کوي.

ایوبي زیاته کړه: په نیمروز ولایت کښې ټولو امنیتي ځواکونو ته امر شوی دی چې هیچا ته په هیڅ توګه په غیرقانوني توګه ګاونډي هیوادونو ته د تګ اجازه نه ورکوله کیږي.

له ایران سره په ګاونډ لرونکي نیمروز ولایت کښې د طالبانو د حکومت د پولیسو قومندان  ټینګار وکړ چې دا حکم د طالبانو ټولو امنیتي ځواکونو ته ابلاغ شوی دی او د انسان قاچاق کونکي به نیول کیږي او قضايي مراجعو ته به وړاندې کیږي.