د قندوز په پرونۍ چاودنه کښې ۶۰ تنه شهیدان شوې دي
Jun 18, 2022 00:15 Asia/Kabul
د قندوز ولایت د امام صاحب په ولسوالۍ کښې پرون د جمعې په لمانځه کښې په شوې ترهګرې چاودنې کښې کابو سلو کسانو ته مرګ ژوبله اوښتې ده
د قندوز ولایت د امام صاحب په ولسوالۍ کښې پرون د جمعې په لمانځه کښې په شوې ترهګرې چاودنې کښې کابو سلو کسانو ته مرګ ژوبله اوښتې ده
پرون ماسپښین افغان سرچینو د افغانستان د شمالي ولایت قندوز په امام صاحب ولسوالۍ کښې د اهل سنت مسلمانانو په جومات کښې د چاودنې په تاییدولو سره د ۶۰ لمونځ کونکو د شهادت او د ۳۰ نورو د زخمي کیدو خبر ورکړی دی.
سرچینو په عین حال کښې ویلي چې دا ابتدايي احصائیې دي او د شهیدانو د شمیر د زیاتیدو امکان شته دی.
سرچینې وايي چې چاودنه د هغه بم له امله رامینځته شوې چې د جومات په ستن کښې ایښودل شوی.
د دې پيښې پړه لا چا نه ده منلې خو د دغه شان د ډېرو مخکښنیو بریدونو مسئولیت داعش ډلې پر غاړه اخیستی دی.
ټیګونه
