افغانستان کښې ۲۳ ترهګرې ډلې فعالې دي
د طالبانو د حکومت د مخالفانو مشر احمد مسعود په افغانستان کښې د ۲۳ ترهګرو ډلو د فعالیت خبر ورکړ
د افغانستان د شفقنا خبري آژانس د خبر له مخې، احمد مسعود د آسټریا په پلازمینې ویانا کښې په یوې خبري غونډې کښې، په دې خبرې سره چې د افغانستان مسئله پوځي حل لاره نه لري، وویل: همدااوس ۲۳ ترهګرې ډلې په افغانستان کښې فعالې دي او نړیوال باید د خپل امنیت په خاطر له دغو ډلو بیدار ووسي.
احمد مسعود چې د افغانستاني سیاستوالانو په دوه ورځنۍ غونډه کښې د ګډون لپاره ویانا ته دیل دی، ټینګار وکړ: مونږ له طالبانو وغوښتل چې د حکومت جوړول د خلکو خوښې ته پریږدي خو طالبانو دا خبره ونه منله.
احمد مسعود زیاته کړه: زما په خپل باور، افغانستان سیاسي حل لارې ته اړتیا لري. اوسمهال مونږ د وحدت او یووالي لپاره په یو نوي پړاؤ کښې یو. غواړو چې د خبرواترو له لارې ټول لوري سره راغونډ کړو ترڅو غږ یې واوریدل شي.
