دکابل ښاریزپه سړکونو کې د روږدو کسانو له زیاتوالي اندېښمن دي
په ورته وخت کې ټولنپوه وحیدا... احمدي وویل: د کابل ښار په عمومي واټونو او کوڅو کې د روږدو کسانو ګرځېدل د دې لامل کېږي چې نور ځوانان هم نشه يي توکو ته مخه کړي.
د کابل ښاریان وايي په عامو لارو، کوڅو او شا وخوا لارو کې په نشه يي توکو روږدي ګرځېدل د ماشومانو او مېرمنو د ځورونې د شتمنیو د غلا او د بېلابېلو ناروغیو د خپرېدو لامل کېږي.
افغان غږ خبری آژانس وایی د کابل ښار یو اوسېدونکی قربان ولیزاده وایی: د کابل ښار په عامه لارو او کوڅو کې په نشه یی توکو د روږدو کسانو زیاتوالی لوی سرخوږی ګرځېدلی دی.
د هغه په وينا، په نشه يي توکو روږدي کسان د ماشومانو او ښځو د ځورونې د کورنيو د شتمنيو د غلا او په خلکو کې د بېلابېلو ناروغيو د خپرېدو لامل ګرځي.
نوموړي همدا راز زیاته کړه که د طالبانو مسؤلین له کابل ښار څخه په نشه يي توکو د روږدو کسانو د راټولولو لپاره منظم پلان جوړ نه کړي، له خلکو سره به په نشه يي توکو د روږدو کسانو اختلاط یوه خطرناکه او لویه ټولنیزه ستونزه شي.
په ورته وخت کې ټولنپوه وحیدا... احمدي وویل: د کابل ښار په عمومي واټونو او کوڅو کې د روږدو کسانو ګرځېدل د دې لامل کېږي چې نور ځوانان هم نشهيي توکو ته مخه کړي.
هغه ټینګار وکړ چې نور هغه لاملونه چې ځوانان نشه یي توکو ته اړوي، فقر اوبیکاری دي او که ځوانانو ته د کار زمینه برابره شي، په دې ناوړه پدیده کې د اخته کسانو شمېر خامخا کم شي.
تر دې مخکې د کابل د امنیه قوماندانۍ ویاند خالد ځدراڼ رسنیو ته ویلي و، چې امنیتي ځواکونه د معتادینو د درملنې له مرکزونو سره په همکارۍ له کابل څخه روږدي کسان راټولوي او د درملنې لپاره دغو مرکزونو ته استوي.
ځدراڼ دا هم وویل چې طالبان ژمن دی چې په هیواد کې د مخدره موادو د کښت، قاچاق او تولید مخه ونیسي. خو نړیواله ټولنه باید په دې برخه کې له افغانستان سره همکاري وکړي.
