افغان حاجیان په سعودي کې د ترسره شویو خدماتو څخه خوښ دي.
په داسې حال کې چې تر راتلونکو دريو ورځو پورې د فرضي حج مراسم په سعودي عربستان کې ترسره کېږي، افغان حاجیان خوښ دي، چې د طالبانو حکومت ورته په سعودي عربستان کې هر ډول اسانتیاوې برابرې کړې دي.
افغان حاجیان په سعودي کې د ترسره شویو خدماتو څخه خوښ دي.
په داسې حال کې چې تر راتلونکو دريو ورځو پورې د فرضي حج مراسم په سعودي عربستان کې ترسره کېږي، افغان حاجیان خوښ دي، چې د طالبانو حکومت ورته په سعودي عربستان کې هر ډول اسانتیاوې برابرې کړې دي.
دا په داسې حال کې ده چې پخوا ځينو حاجيانو، د ډوډۍ له ناسم کیفیت څخه شکایت کړی وو.
خو اوس ځينې حاجيان وايي، چې دوی له دې بهیره راضي دي او د ډوډۍ د کيفيت ستونزه حل شوې ده.
په ورته وخت کې په مکه معظمه کې د طالبانو حکومت د حج او اوقافو وزارت د څارنې او راپور ورکولو کمېټې مشر شيخ عبدالولي حليمي هم وايي، دوی افغان حاجیانو ته په ۳۲ اعمارو يا (ځای خونو) کې درې وخته منظمه ډوډۍ ورکوي.
په همدې حال کې د حج او اوقافو وزارت سرپرست مولوي نورمحمد ثاقب وايي، چې عربستان ته د ۳۰ زره او ۳۱۶ افغان حاجیانو د لېږد پروسه پای ته رسېدلی او دوی ورته په سعودي عربستان کې هر ډول اسانتیاوې برابرې کړې دي.
دا په داسې حال کې ده چې په تېرو کلونو کې د فرضي حج په مراسمو کې د ځينو ستونزو راپورنه ورکړل شوي وو.
راپورونه وايي تر اوسه شاوخوا دوه ميليونه حاجیان له بېلابېلو هېوادونو عربستان ته داخل شوي دي او دا بهير دوام لري.
