طالبان سبا بیا ډالر لیلاموي
د طالبانو مرکزي بانک وویل چې په افغانستان کښې د ډالر د ټکاؤ لپاره به سبا بازار ته نور ډالر وړاندې کړي.
د فارس خبري آژانس په لیکنه، د طالبانو مرکزي بانک وویل چې ۱۴ میلیون ډالر به سبا پنجشنبه بولۍ ته کښیښودې شي.
د طالبانو د مرکزي بانک مطبوعاتي دفتر ویلي دي چې دغه بانک ۱۴ میلیون ډالر بولۍ ته ایښي دي او په شرطونه پوره د صرافۍ او د پیسو د خدماتو شرکتونه به په دې بولۍ کښې برخه اخلي.
دا په داسې حال کښې دي چې د سرای شهزاده د صرافانو د مرکز د اعلان له مخې، په تیره یوه میاشت کښې د امریکايي ډالر په وړادې د افغانستان د ملي کرنسۍ ارزښت ۲.۵ فیصده زیاتوالی موندلی دی.
د کابل ښار په سرای شهزاده کښې د صداقت نومې صرافۍ مالک محمد حسین په دې هکله وویل چې نن سبا د یو امریکايي ډالر قیمت ۸۳.۹۰ افغانۍ دی چې د تیرې یوې میاشتې په پرتله د ډالر په قیمت کښې سخت کموالی راغلی دی.
له دې مخکښې د خوړو نړیوال سازمان ویلي وو چې په ډالر د افغانیو د بدلولو بیه،ړ له افغانستان سره د نغدو نړیوالو مرستو په وجه ثابته پاتې ده.
