د طالبانو د باندنیو چارو وزیر چین ته روان شوی

صدای افغان خبري اژانس راپور ورکړی د طالبانو خارجه وزیر په یوې سیمه ئیزې غونډې کښې د ګډون لپاره چین ته روان شوی.

د طالبانو د بهرنیو چارو د وارت د ویاند مرستیال ضیا احمد تکل نن وویل خارجه وزیر امیر خان متقي د چین د چارواکو په رسمي بلنه د «فورم ټرانس هیمالیا» په دریمې غونډې کښې د ګډون لپاره چین ته روان شوی.

بل خبر دا چې د افغانستان په چارو کښې د چین ځانګړي استازي یوشیائویونګ وویل ماسکو د فورمیټ غونډې وښودله چې د سیمې هیوادونه  په افغانستان کښې د ثبات کوشش کوي.

هغه وویل د سیمې هیوادونه د افغانستان د بیا رغونې او د سولې لپاره رغنده هڅه ترسره کوي.