په کراچۍ کې د افغانستان د شیانو زر کنټينر درول شوي دي
د افغانستان د طالبانو د حکومت د پانګونې او تجارت د کوټې مرستیال محمد یونس مومند هم وئیلي دي، ددغو مشکلاتو د حل لپاره دافغانستان او پاکستان اړونده چارواکي باید هڅه وکړي ، او د تاجرانو لپاره لازیاتې آسانتیاوې رامینځةکړي .
فارس خبری آژانس راپور ورکړی، د افغانستان د ټرانسپورټي ټولنې د چارواکو په وینا، د پاکستان په کراچۍ بندر کې ددغه هیواد دتجارتی شیانو ډک کابو زر کنټینر د رول شوي او پاکستان د تیریدا اجازت نه ورکوي.
په دغه راپور کې وئيل شوي دي،په چین کې د افغانستان د ټرانسپورټي ټولنې مشر خان آغا ګلزاد له رسندویوسره په خبرو کې ووئیلو چې د پاکستان په کراچۍ بندر له تیرو څو میاشتو راهسې د افغانستان دتجارتي شیانو څه دپاسه زر کنټينرې درول شوي دي او د تیریدا اجازت نه ورکوي.
د هغه په وینا،د افغانستان تاجران تراوسه پورې هم په کراچۍ بندر کې له جدي مشکلاتو سره مخامخ دي.
دګلزاد په وینا،په کراچۍ بندر کې د افغانستان د تجارتي شیانو ددریدا په وجه ئې ډير تاوانونه لیدلي دي. هغه ټينګار کړی هغه مشکلات چې د پاکستان ځیني ادارې ئې په کراچۍ بندر کې د افغان تاجرانو لپاره رامینځةکوي ، د زغملو وړ نه دي او اوس هم په دغه بندر کې څه دپاسه زر کنټنیرې درول شوي دي او په مختلفو پلمو سره ورته د تیریدا اجازت نه ورکول کیږي
له بل پلوه د افغانستان د طالبانو د حکومت د پانګونې او تجارت د کوټې مرستیال محمد یونس مومند هم وئیلي دي، ددغو مشکلاتو د حل لپاره دافغانستان او پاکستان اړونده چارواکي باید هڅه وکړي ، او د تاجرانو لپاره لازیاتې آسانتیاوې رامینځةکړي .
داپه داسې حال کې دي چې په همداوروستیو کې د پاکستان د حکومت او د افغانستان د طالب واکوالانو ترمینځ ټرانزیټي تاؤتریخوالی هم زیات شوي دی او ددغو تاؤتریخوالو په نتیجې کې د افغانستان او پاکستان ترمینځ سرحدي لارې څو اونیو لپاره تړل شوي وې او البته په همداوروستیو کې بیا پرانیستل شوي دي.
