د غر ښویدنې پېښه کې ۷ تنه مړه شوي

د افغانستان په پکتيا ولایت کې د غر ښويېدو له امله د يوې کورنۍ اووه غړي مړه شوي دي

د دغه ولایت، له طبيعي پېښو سره د مبارزې رياست چارواکي وايي، چې د څمکنيو ولسوالۍ په جګ اورګوړ سيمه کې د غر ښويېدو له امله د يوې کورنۍ اووه غړي مړه شوي دي.

د یاد ریاست خپره شوې خبرپاڼه کې راغلی: دغه پېښه تېره ورځ ناوخته رامنځته شوې او په مړو شويو کې دوه مېرمنې او پنځه ماشومان شامل دي.

دا په داسې حال کې ده چې د څمکنيو ولسوالۍ په مندوخېلو کلي کې هم د سېلاب له امله يو ماشوم مړ شوى دى.