بهرنيو دولتونو په افغانستان کې په نږدې هر هدف کې ماتې خوړلې

د جرمني پخوانۍ لومړۍ وزیره انګلا مېرکل ویلي چې بهرنيو دولتونو په افغانستان کې د قانون د حاکمیت او د ښځو د حقونو د مسئلو په ګډون، په نږدې هر هدف کې «ماتې» خوړلې ده.

مېرکل زياته کړې چې د افغانستان د لوېديځو متحدانو له خوا د کلتوري تفاهم د درک کمښت، اداري فساد او د نشه‌يي توکو قاچاق د دې ماتو لاملونه دي.

نوموړې ویلي چې پر افغانستان د امریکا په مشرۍ «پوځي برید» کې د جرمني ګډون سمه پرېکړه وه، ان که چېرې ماضي ته نظر وشي.

د هغې په وینا، «توجیه‌منونکې هیله» شته چې پوځي مداخله به په افغانستان کې د ترهګریزو بريدونو د پلانولو مخنیوی وکړي.