هند افغانستان ته د سي پیک له پراخېدو سره مخالفت وکړ
د افغان رسندویو له راپور سره سم ، هند افغانستان ته د چین–پاکستان اقتصادي کوریډور (CPEC) د پراخېدو محالفت وکړ او هغه یې «نه منونکی» اقدام وباله.
د هند د بهرنیو چارو د دولت وزیر کیرتي وردهن سنګ دا دریځ د خپل هیواد پارلمان ته په رسمي بیان کې څرګند کړ. نوموړي وویل، حکومت د مې په ۲۱ مه نېټه په پیکینګ کې د چین، پاکستان او افغانستان له درېاړخیزې غونډې خبر دی، چې په لړ کې یې د سیمهییزې همکارۍ، په ځانګړي ډول د لارو په اړه خبرې وشوې.
هغه زیاته کړه:«حکومت په پرلهپسې ډول له اړوندو خواوو سره خپل اعتراض شریک کړی دی .
په مې میاشت کې د پیکینګ په غونډه کې د چین، پاکستان او افغانستان د بهرنیو چارو وزیرانو خپله ګروهنه څرګند ه کړه چې درېاړخیزه همکاریو ته لا پراختیا ورکړي، په ځانګړې ډول د اقتصادي یوځای والي او اتصال په برخو کې.
چین څرګنده کړې چې غواړي CPEC افغانستان ته هم وغځوي، څو د دغه جګړه ځپلي هېواد د بیا رغونې او پراختیا هڅو ته پراخ ملاتړ برابر شي.
