د شاپور ځدران جنازه ادا او جسد یې خاورو ته وسپارل شو

د افغانستان د کرکټ ملي لوبډلې پخواني تیز توپ اچونکي شاپور ځدران جنازه نن د کابل په عیدګاه جومات کې ادا او جسد یې د همدې ولایت په مرنجان غونډۍ کې خاورو ته وسپارل شو.

د ارواښاد د جنازې په مراسمو کې د افغانستان د کرکټ د پخوانیو او اوسنیو لوبغاړو او اداري مسؤلینو سربېره د طالبانو د حکومت چارواکو، عامو ولسونو او ګڼ شمېر نورو شخصیتونو ګډون کړی وو.

شاپور ځدران دوه ورځې وړاندې په هند کې د درملنې پر مهال د ۳۹ کلنۍ په عمر وفات شو.