په نورستان کې ترافیکي پېښه کې دوه کسان مړه شوي

د نورستان ولایت د نورګرام ولسوالۍ د شمګل په سیمه کې د یوې ترافیکي پېښې له امله دوه کسان مړه او درې نور ټپیان شوي دي.

د نورستان د امنیې قوماندانۍ ویاند محمدحسن ثاقب وایي، پېښه تېره ورځ، پنجشنبه ناوخته، رامنځته شوې ده.

د نوموړي په وینا، یاد موټر له منډول ولسوالۍ څخه د لغمان ولایت پر لور روان و چې د نورګرام ولسوالۍ د شمګل په سیمه کې له سړک څخه وتلی او چپه شوی دی.

هغه زیاته کړه، په دې پېښه کې دوه کسان مړه او درې نور ټپیان شوي چې د نورګرام ولسوالۍ روغتیايي مرکز ته انتقال شوي دي.