د ایران او افغانستان ترمنځ سوداګریزه همکاري پراخېږي

د ایران د خراسان رضوي ولایت  د سوداګرۍ خونې له افغانستان سره د سوداګریزو همکاریو پر پراختیا ټینګار کړی دی.

د فارس خبري اژانس د راپور له مخې، د خراسان رضوي د سوداګرۍ خونې د رئیسه پلاوي دوه اتیاومه غونډه د کابل د ابوحنیفه په نندارتون کې د دې ولایت د سوداګریز پلاوي د ګډون د راپور او له افغانستان سره د سوداګریزو همکاریو د پراختیا د لارو چارو د ارزونې په موخه جوړه شوه.

په دې غونډه کې په نندارتون کې د ولایت د سوداګریز پلاوي د ګډون او د خراسان رضوي د سوداګرۍ خونې د غرفې د فعالیتونو راپور وړاندې شو. همدارنګه د اقتصادي فعالانو پر پراخ ګډون او د سوداګریزو اړیکو پر پراختیا ټینګار وشو.

ټاکل شوې چې د دواړو هېوادونو ترمنځ د سوداګرۍ کچه، چې اوس مهال درې میلیارده ډالره ده، لس میلیارده ډالرو ته لوړه شي.