امریکا بیرته دافغانستان جنګ ته ستَنه شوې ده
ډیره شناندی اوکارپوهان وائی ،په افغانستان کې له ۲۰۰۱کال راهسې دامریکا پوځی شتون ، په دغه هیواد کې د عاموخلکو له زرګونو وژلو، د بیخ بینائی تاسیساتو له ورانولو او دنشه ایزو توکو د کښت او قاچاق له زیاتیدا پرته بله هیڅ ګټه نه ده درلودلې
فارن پالیسی خبری مجلې پخپل یوه وروستی راپور کې د پنټاګان د چارواکو له قوله لیکلی دی ،دامریکا ولسمشر ډونالډ ټرمپ دامریکا پوځ ته اجازت ورکړی دی چې په افغانستان کې دې خپل پوځی عملیات بیرته پیل کړی .
د دغه راپور له مخې ، دپنټاګان چارواکو همداراز وئیلی دی ، له دې وروسته به امریکائی پوځیان په مځکنیو عملیاتو کې دافغانستان له پوځیانو سره مرسته وکړی او دهغوی د هوائی حملو په منظمولو او غږملولو کې به هم رول ولوبوی .
امریکائی چارواکو له دې مخکې هم وئیل چې په افغانستان کې د دغه هیواد پوځیان یوازې دسلاکارۍ فعالیتونو او روزنو ته دوام ورکوی او نیغ په نیغه په جنګ کې ګډون نه کوی .
ډونالډ ټرمپ د اګست په ۲۱ نیټه دافغانستان او جنوبی آسیا لپاره د خپلې نوی سټراټژۍ په اعلانولو کې دغه هیواد ته د نوی عسکرو دلیږدولو خبره کړې وه .
دامریکا ددفاع وزیر جیمز ماتیس په وینا، دغه هیواد افغانستان ته نور درې زره تازه د م عسکر لیږی .
ډیره شناندی اوکارپوهان وائی ،په افغانستان کې له ۲۰۰۱کال راهسې دامریکا پوځی شتون ، په دغه هیواد کې د عاموخلکو له زرګونو وژلو، د بیخ بینائی تاسیساتو له ورانولو او دنشه ایزو توکو د کښت او قاچاق له زیاتیدا پرته بله هیڅ ګټه نه ده درلودلې .
