اشرف غني له جرمني څخه د افغان کډوالو د ورستنولو هڅه کوي

د افغانستان ولسمشر له جرمني څخه د افغان کډوالو د ستنولو لپاره د خپل حکومت د هلوځلو خبر ورکړ.

تسنیم خبري آژانس لیکلي چې محمد اشرف غني پرون د بیلډ په نامه جرمن خپرندوې سره په مرکه کښې، په افغانستان کښې د امنیتي حالاتو خرابوالي او ترهګرو بریدونو ته له اشارې پرته وویل: د جرمني په شمول مختلفو هیوادونو څخه د افغان کډوالو ستنول د کابل د حکومت هدف دی.

د ۲۰۱۶ کال له پیل نه تراوسه پورې له ۲۳۰ زیات افغان کډوال له جرمني څخه ایستل شوي دي.

ټاکل شوې چې هغه کابو څلور زره افغان مهاجر چې په جرمني کښې یې د پناهندګۍ غوښتنه رد شوې، له دغه هیواده وویستل شي.