اورلګیدنې په ختیز ولایت ننګرهار کښې درانۀ مالی زیانونه رامنځته کړل
د افغانستان د ننګرهار ولايت په جلال آباد کښې د اور لګېدنې له امله درانۀ مالي زيانونه رامنځته شول.
له جلال آباده زمونږ د خبريال د رپوټ له مخې له غرمی مخکې خواوشاه لس بجې د جلال اباد ښار ختیز د ګمرک ودانۍ مخې ته دتیلو په یو ټانکرکښې اور ولیګد چې د عیني شاهدانو د وینا له مخې اور په چټکې سره خواوشا سیموته خپور شو شاهدان وائي چې په دغه اور لګیدنه کښې د تیلو پر ټانکر سربیره د کانتینر لرونکي لارۍ.دوه رکشاوې او یو بل دسپرلیو وړونکی موټر چې د پیښې په ځاے کښې موجود وو په بشپړ ډول وسوزېدل.
د ننګرهار دوالی ویاند عطا الله خوګیاڼي وويل د اور په کابو کولو کې د ګمرک پولیسو او د اور وژنی ادارې کارکوونکو مرسته کړې او اور د نورې خوریدنې وړاندې کابو نوموړي وویل تر اوسه د اورلګیدنې لامل او د اوښتی زیان کچه نده معلومه خو پروینا یې چې د پلټنې په موخه یی سیمی ته پلاوی استولی دی. تیره ورځ هم د جلال اباد ښار په منځ کې په سوداګریز مارکیټ کې د بریښنا د شارټۍ له امله اور لګیدلی و چې ملیونونه افغانۍ زیان یی رامنځته او اور لګیدنې خواوشاه دولس ساعته دوام وکړ.
