افغان ښځینه پولیس په ترکیه کښې روزل کیږي

سرچینو په ترکیې کښې د افغانستان د ښځینه پولیس ځواکونو د روزنې خبر ورکړی دی.

د افغانستان شفقنا خبري آژانس د دغه هیواد د امنیتي سرچینو له قوله خبر ورکړی چې د افغان زنانه پولیسو ټریننګ د ترکیې په سیواس ولایت کښې د دغه هیواد د ځانګړو پولیس ځواکونو لخوا روان دی.

خبر زیاتوي چې دا روزنیز پړاؤ شپږ میاشتنی دی او پکښې روزل کیدونکې افغان پولیسې د افغانستان د خدمت لپاره چمتو کیږي.

د ویلو ده چې د افغانستان او ترکیې حکومتي چارواکو په ۲۰۰۱ کال کښې د پولیس ځواکونو د روزنې په لړ کښې په خپلو کښې یوه موافقه کړې وه.