تاجکستان اتیا تنه افغانستاني بندیان کابل ته ورستنوي
May 18, 2019 03:19 Asia/Kabul
د تاجکستان ولسمشر د هغو اتیاؤ تنو افغانستاني ښاریزو چې په دغه هیواد کښې نیول شوي دي، د آزادولو خبر ورکړ.
د افغانستان د بهرنیو چارو وزارت پرون په یوه خبرپاڼه کښې وویل چې د تاجکستان ولسمشر امامعلي رحمان په دوشنبه ښار کښې د افغانستان د خارجه وزارت د سرپرست صلاح الدین رباني په کتنه کښې هغه ته ډاډ ورکړ چې په تاجکستان کښې بندي اتیا تنه د افغانستان ښاریز به ډیر زر خوشې او خپل هیواد ته به ولیږل شي.
د تاجکستان ولسمشر او د افغانستان د خارجه وزارت سرپرست په دغه کتنه کښې، د امنتیي او اقتصادي اړیکو او د پراختیايي طرحو په هکله هم د نظر تبادله وکړه.
د ویلو ده چې د افغانستان د خارجه وزارت سرپرست په یوې نړیوالې غونډې کښې د ګډون په موخه د تاجکستان پلازمینې دوشنبې ښار ته تللی دی.
ټیګونه
