کابل کښې بیګا ماښام څلورمه چاودنه هم وشوه
Jun 03, 2019 03:07 Asia/Kabul
تیر ماښام یوې بلې چاودنې د افغانستان د پلازمینې کابل ښار یوه بله برخه ولړزوله.
ایرنا خبري آژانس لیکلي چې د افغانستان د کورنیو چارو د وزارت ویاند وویل: دا چاودنه چې پرون مازیګر د کابل ښار په پلِ سوخته سیمه کښې رامینځته شوه، د انتخاباتو د خپلواک کمیشن یو ګاډی یې هدف ګرځولی دی.
نصرت رحیمي زیاته کړه چې د دې چاودنې له امله لږترلږه درې ملکي وګړي زخمي شول.
د ویلو ده چې پرون سهار هم د کابل ښار په پنځمه ناحیه کښې ورته چاودنې وشوې چې له امله یې دوه تنه مړه او ۲۴ نور زخمي شول.
د کابل د پرونیو ترهګرو چاودنو پړه داعش ترهګرې ډلې منلې ده.
ټیګونه
