ایران د افغانستان په صلحې او ثبات کښې ټاکونکی رول لوبوي
د افغانستان تیر ولسمشر ټینګار وکړ چې د ایران اسلامي جمهوریت په افغانستان کښې د صلحې په ټینګښت، د امنیت په تامینولو او اقتصادي پراختیا کښې ټاکونکی رول لري.
حامد کرزي چې د نړیوالې صلحې په اتمه غونډه کښې د ګډون په موخه بیجنګ ته تللی، نن یې د ایرنا خبریال ته په یوه مرکه کښې د افغانستان په پراختیا، صلحې او امنیت کښې د یو سیمه ایز قدرت او لوبغاړي په توګه د ایران رول ډیر مهم وباله او ویې ویل: ایران د افغانستان یو ښه ګاونډی دی او کابل او تهران ډیرې لرغونې او دوستانه اړیکې لري او د دواړو هیوادونو ملګرتیاوې ډیرې پراخې دي.
کرزي زیاته کړه چې ایران په افغانستان کښې ډیر مهم موقعیت لري او تل یې د افغانستان له صلحې، امنیت او ثبات سره پوره پوره مرسته کړې ده.
د افغانستان پخواني ولسمشر هم داشان په دې خبرې سره چې د صلحې مذاکرات باید د افغانستان د خلکو په مشرۍ وشي ټینګار وکړ: د افغانستان خلک صلحه غواړي او حق لري چې پس له څو کلن جنګ او نښتې ارامښت ته ورسي.
