زورواکي په افغانستان کښې خلک وهي
په افغانستان کې د زور واکو له خوا په مختلفو علتونو خلک وهل کیږي، د غزنی په ګیلان ولسوالۍ کې یو تن په دې تورن شوی چې ګني ده امنیتي ځواکونو ته ښکنځلې کړي خو د ده لخوا بیا د بې ګناهۍ خبره اوریدل کیږي
محمد صابر دغزني ولایت دګیلان ولسوالۍ اوسیدونکی دی. نوموړی دګیلان په جنډې بازار کې هټۍ لري، د ده په خبره تیره ورځ یې دکابل قندهار د لارې خلاصیدا په اړه په ټولنیزو شبکو کې د دې لویي لارې د قراردي کس په اړه دلارې دخلاصیدا غوښتنه کړې وه چې دپاڅون کوونکو له خوا وهل شوی خو، دغزنی سیمه ایز چاروکي دده خبره ردوي .
هغه وایي دا کسان د دولت او ولس تر منځ واټن زیاتوي ما تل هڅه کړې تر څو د دولت او ولس تر منځ واټن له منځه یوسم او دمظلوم غږ تر چارواکو ورسوم. نوموړی له دولت نه غواړي تر څو د داسي کړنو مخه ونیسي چې د ولس او دولت واټن له منځه ولاړ شي.
خو د غزنی د والي ویاند محمد عارف نوری بیا تهران راډیو ته وویل چې محمد صابر څو ورځې وړاندې امنیتی ځواکونو ته ښکنځلې کړې وې .
باید وویل شي چې دزابل په شاجوی ولسوالۍ کې د څلرویشت (۲۴) ساعتونو لپاره دکابل قندهار لویه لاره بنده وه چې تیره ورځ مازیګر مهال د پولیسو او نورو اړوندو مرستندویو ارګانونو له خوا پرانیستل شوه.
