د امريکې له خارجه وزير سره د عبدالله عبدالله ټيلفوني خبرې
د افغان حکومت اجرائي مشر د امريکې له خارجه وزير مائک پومپئو سره له طالب ډلې سره د صلحې د بهير په اړه ټيلفوني خبرې اترې وکړې.
د آناتولي خبري آژانس د رپوټ له مخې په دغو ټيلفوني خبرو اترو کښې چې پرون اوشوې دامريکې خارجه وزير له طالب ډلې سره د امريکې د تش په نامه صلحې خبرو اترو د پرمختګ له بهيره د افغان حکومت اجرائي مشر خبر کړ.
پومپئو عبدالله عبدالله ته وويل: طالبان د افغانستان پراخه برخه په کنټرول کښې لری او اوس زيات فرصتونه رامنځته شوي دي چې طالبان د افغانستان د تش په نامه صلحې په خبرو اترو کښې ګډون وکړي.
افغان حکومت په ځلونو کوشش کړے دے چې له طالبانو سره د صلحې خبرې اترې وکړي خو دغه کوششونه تر اوسه نه دي کامياب شوي. طالبان له افغان حکومت سره له نېغ په نېغه خبرو ډډه کوي ځکه چې هغوي د کابل حکومت غېرقانوني بولي او له افغانستانه د ټولو امريکائي ځواکونو د وتلو غوښتنه کوي.
