طالبانو د کورونا لپاره روغتیايي مرکزونه جوړ کړي دي
تسنیم خبري اژانس وايي د طالبانو ویاند ذبیح الله مجاهد وویل چې د دغه ډلې تر کنټرول لاندې سیمو کښې د کورونا وایروس د خپریدا د مخنیوي لپاره یې یوشمیر مرکزونه جوړ کړي دي .
هغه وویل د طالبانو د روغتیا کمیسیون د کورونا وایروس په هکله د اطلاعاتو د خپرولو لپاره په تخار ، په قندوز ، په سمنګان او جوزجان ولایتونو کښې د روغتیا څو مرکزونه جوړ کړي دي او ښاریزو ته د اطلاعاتو رسول ، په هغوې د ماسکونو او د نورو روغتیايي شیانو ویشل په مفت ډول دي .
طالبانو ډلې دغه راز د دوې تر ولکې لاندې د سیمو له وسیدونکو غوښتي دي چې له کورونا وایروس سره د مبارزې لپاره روغتیايي چارې رعایت کړي .
د افغانستان حکومت هم له نړیوالې ټولنې د مرستې د غوښتلو په ترڅ کښې کابل او هرات ښارونه قرنطینه اعلان کړي دي .
په افغانستان کښې هم کورونا وایروس په خپریدا دی او تراوسه یې کابو درې (۳) کسان وژلي دي او پینځه نوي (۹۵) نور کسان په دغه ناروغۍ ککړ شوي هم دي .
