د افغانستان ولسمشر له طالبانو سره اوربند غواړي
اوا خبري اژانس وايي دافغانستان ولسمشر اشرف غني پرون د روژې د مبارکې میاشتې د رارسیدا په مناسبت په طالبانو ډلې غږ وکړ په هیواد کښې د اوربند ټینګیدا ته مثبت ځواب ورکړي او له تاوتریخوالي او جګړې څخه لاس واخلي .
د افغانستان ولسمشر اشرف غني زیاته کړه له طالبانو ډلې د هیواد د خلکو او د حکومت غوښتنه دا ده چې د روژې د مبارکې میاشتې په حرمت د اوربند او د سولې غږ ته لبیک ووايي او د مسلمانانو خلکو پرضد له تاوتریخوالي لاس واخلي او سوله ییز ژوند ته مخه کړي .
له دې مخکې د افغانستان پارلمان هم په هیواد کښې له طالبانو ډلې سره د اوربند غوښتنه کړي وه .
په افغانستان کښې د اوربند د ټینګولو لپاره له طالبانو ډلې د حکومت دغه غوښتنې په داسې حال کښې دي چې په تیرو دریو (۳) اونیو کښې طالبانو د هیواد په بیلابیلو سیمو کښې خپلې حملې زیاتې کړي دي او په دې موده کښې څلویښت(۴۰) پولیس ، عسکر او نور حکومتي ځواکونه وژل شوي دي .
