افغانستان کې د کورونا وائرسو ۵۹۱ نورې مثبتې پېښې ثبت شوې
د افغانستان د عامې روغتیا وزارت وايي چې تېرو ۲۴ ساعتونو کښې د هېواد په کچه د کرونا وایرسو ۵۹۱ نورې مثبتې پېښې ثبت شوې دي.
د یاد وزارت د مالوماتو له مخې چې نن یې له رسنیو سره شریک کړي دي، په هېواد کې د کورونا وایرسو ټولې مثبتې پېښې ۱۱،۱۷۳ ته ورسېدې.
خو د عامې روغتیا وزارت وايي چې تېره شپه اوورځ کې د کووید نولس ناروغۍ له کبله یوازې یو کس ژوند له لاسه ورکړے او ۲۲ تنه نور روغ شوي دي.
تر اوسه په افغانستان کې د کورونا وایرسو له کبله ۲۱۹ تنه مړه شوي دي او ۱۰۹۵ نور روغ شوي هم دي.
کابل بیا هم د تېرو ورځو په شان ډېرې مثبتې پېښې لري چې تېره شپه او ورځ کې په کې ۳۹۰ ثبت شوې دي او ورپسې بیا هرات دے.
هرات ولایت له کابله وروسته د کورونا وایرسو تر ټولو ډېرې مثبتې پېښې لري چې په کې د ۶۲ تازه ثبت شويو پېښو خبر ورکړل شو او تر اوسه دغه ولایت کې د ټولو مثبتو پېښو شمېر ۱۷۷۳ دی.
د یادونې ده چې تر اوسه هرات د مړو شویو کسانو لوړ شمېر لري او په کې ۳۶ تنه د کورونا وایرسو له کبله مړه شوي دي.
