په ننګرهارکې موټربم برید ۱۳ تنو ته مرګ ژوبله واړوله
خوږیاڼی زیاتوي، چې په دې موټر بم برید کې د سیمه ییزو پولیسو قومندان میرزمان او دوه ساتونکي یې وژل شوي دي.
زمونږ خبریال راپور راکوی د ننګرهار د والي ویاند عطاا... خوږیاڼی وایي نن سهارشاوخوا لس بجې د دې ولایت په کوز کنړ ولسوالۍ کې د سیمه ییزو پولیسو پر قومندان موټر بم برید شو.
خوږیاڼی زیاتوي، چې په دې موټر بم برید کې د سیمه ییزو پولیسو قومندان میرزمان او دوه ساتونکي یې وژل شوي دي.
نوموړی زیاتوي په دې موټر بم برید کې د پولیسو او ملکیانو په ګډون ۸ تنه ټپيان شوي دي.
د والي ویاند زیاته کړه، چې ټپيان یې روغتون ته د درملنې لپاره لیږدولي.
تراوسه د دې چاودنې مسؤلیت چا نه دی منلی.
په دې وروستیو کې په ننګرهارکې یوځل بیا بمي چاودنو زور اخیستی، چې له امله یې د دې ولایت اوسیدونکي سخت اندیښمن دي.
وړمه ورځ هم د ولایت مخې ته د سره رود ولسوالۍ اجرائیه مدیر په یوه بمي چاودنه کې خپل ژوند له لاسه ورکړ.
په عین حال کی د افغانستان امنیتی عسکرو نن په کابل کې د یوې ترهه ګرې حملې مخه نیولی ده .
