په افغانستان کې ۱۵ طالبان ووژل شول
د بغلان د امنیه قومندانۍ ویاند احمد جاوید بشارت وویل چې امنیتي ځواکونو وروسته تر هغه ګډ عملیات تر سره کړل چې طالبانو غوښتل د بغلان – سمنګان لویه لاره د تګ راتګ پر مخ وتړي.
د افغان غږ خبری اژانس له راپور سره سم د بغلان ولایت د پولیسو قومندانۍ د یوې خبر پاڼې په خپرلو سره ویلي چې د طالبان حمله یې په شاه تمبولې او د بغلان سمنګان لویه لاره یې د تګ راتګ پر لپاره پرانیستې ده.
په خبرپاڼه کې راغلي چې په دې نښته کې د طالبانو ۱۵ تنه وژل شوي دي.
د بغلان د امنیه قومندانۍ ویاند احمد جاوید بشارت وویل چې امنیتي ځواکونو وروسته تر هغه ګډ عملیات تر سره کړل چې طالبانو غوښتل د بغلان – سمنګان لویه لاره د تګ راتګ پر مخ وتړي.
د هغه په خبره په دغه نښته کې د طالبانو یو مهم غړی هم وژل شوی دی.
بشارت وايي اوسمهال دغه لاره د هر راز تګ راتګ لپاره خلاصه ده او خلک کولی شي چې په ډاډه زړه خپل سفر وکړي.
د یو بل خبر له مخې د کابل، ننګرهار، زابل، نورستان او جوزجان ولایتونو د ملي پولیسو منسوبینو د تېرو ۲۴ ساعتونو په لړ کې ۱۲ کړۍ ماینونه کشف او له منځه وړي دي.
طالبانو تر اوسه په دې اړه څه نه دي ویلي.
