د افغانستان پوځ په بغلان کښې د طالبانو خلاف عملیات وکړل
Jul 19, 2020 03:13 Asia/Kabul
په بغلان ولایت کښې د طالبانو د سنګرونو خلاف د افغانستان د ملي اردو په وروستیو عملیاتو کښې د دغې ډلې اتیا غړي مړه او ژوبل شوي دي.
د ملي اردو یو جګ پوړي افسر عبدالرازق پرون وویل چې د بغلان ولایت په ډنډ غوري سیمه کښې د طالبانو د سنګرونو خلاف د ملي اردو په ګډو هوايي او مځکنیو عملیاتو کښې د دغې ډلې ۵۰ تنه وژل شوي او له ۳۰ زیات نور یې ژوبل شول.
د ډنډ غوري ناکراره سیمه د بغلان ولایت له مرکز پلخمري څخه درې کیلومیټره لرې ده چې په دغه ولایت کښې د طالبانو اصلي مرکز ګڼل کیږي. طالبانو چې په تیرو پنځو کلونو کښې یې د ډنډ غوري په ناکرارې سیمې ولکه لرلې، لا یې د دې حالاتو په هکله نظر نه دی څرګند کړی.
ټیګونه
