د جلریز ولسوال د دغې ولسوالۍ د نسکوریداپه اړه خبردارې ورکړ
د جلریز ولسوال سید محمد هاشمي رسنیو ته ویلي له درې ورځو راپدېخوا سلګونه طالب جنګیالیو ددې ولسوالۍ په شاوخوا ساحو بریدونه پیل کړي چې اوسمهال د ولسوالۍ مرکز د نسکوریدا له خطر سره مخ دی.
د افغان غږ خبری اژانس له راپور سره سم د افغانستان د میدان وردک ولایت ځايي چارواکي وايي په جلریز ولسوالۍ کې څو امنیتي پوستې د طالبانو لاسته ورغلي او په خبره یې اوسمهال دغه ولسوالي د طالبانو لخوا کلابند شوې ده.
د جلریز ولسوال سید محمد هاشمي رسنیو ته ویلي له درې ورځو راپدېخوا سلګونه طالب جنګیالیو ددې ولسوالۍ په شاوخوا ساحو بریدونه پیل کړي چې اوسمهال د ولسوالۍ مرکز د نسکوریدا له خطر سره مخ دی.
د هاشمي په خبره طالبان د خرولنګ، دهن جولان، پوسته داکو او د جلریز بازار ساحو کې ځای پر ځای شوي دي.
د هغه په خبره که سیمې ته مرستندویه عسکر ونه رسیږي ولسوالۍ به د طالبانو لاس ته ولویږي.
بلخوا د میدان وردک د امنیه قومندانۍ ویاند وايي سیمې ته یې کمکي عسکر لېږلي او په خبره یې اوسمهال د ولسوالۍ د سقوط خطر له منځه تللی دی.
