د کابل ترهګرې حملې ته غبرګونونه دوام لري
Nov 08, 2020 03:53 Asia/Kabul
د افغانستان د کورنیو چارو وزارت طالبان او حقاني ترهګره ډله د کابل د پرونۍ ترهګرې چاودنې ذمه وار وبلل.
د افغانستان د داخله وزارت ویاند طارق آرین پرون په یوه خبرپاڼه کښې وویل چې دغه ترهګره حمله په قطر کښې د افغانستان د حکومت او طالب ډلې ترمینځ د صلحې روانو خبرواترو ته تاوان رسوي.
په عین حال کښې د افغانستان د ولسمشرۍ ماڼۍ (ارګ) ویاند صدیق صدیقي هم په پلازمینې کابل کښې شوې پرونۍ چاودنه وغندله.
یاده دې وي چې پرون سهار په کابل کښې د بم په چاودنه کښې د طلوع نیوز مشهور افغان خبریال او اینکر یما سیاوش په شمول درې کسان وژل شوي دي.
د دغې ترهګرې چاودنې پړه لا چا نه ده منلې.
ټیګونه
