۵زره طالب بندیانو دافغانستان له سولې سره هیڅ مرسته نه ده کړې
په کابل کې د امریکا د سفارت شارژدافېیر راس وېلسن په یوه انلاین کنفرانس کې ویلي وو، طالبان دنورو اوه زره بندیانو دخوشي کولو غوښتنه هم لري . هغه په لاسوهونکو څرګندونو کې وئيلي دي تاسو یعني دکابل حکومت باید د طالبانو درستې غوښتنې ومنئ څو له امریکا سره شوي موافقه په بشپړ ډول اجرا شي .
زمونږ خبریال دصداي افغان خبری آژانس له قوله راپور راکړ د افغانستان د ملي امنیت شورا ویندوي رحمت ا...اندړ د طالبانو له خوا د نورو اوه زره بندیانو دخوشي کولو په باب دغوښتنې په غبرګون کې وئيلي دي ، د څه دپاسه پنځه زره طالب بندیانو خوشی کیدا نه یوازې د سولې له بهیر سره کومه مرسته نه ده کړې ،بلکې حکومت ئې هم له سختو نیوکو سره مخامخ کړیدی . . هغه وئيلي ځکه چې ډیری طالب بندیان بیرته د جنګ ډګر ته وارد شوي او د افغانستان د ملی امنیت ځواک او ملی اردو په ضد جنګیږي .
وړمه شپه په کابل کې د امریکا د سفارت شارژدافېیر راس وېلسن په یوه انلاین کنفرانس کې ویلي وو، طالبان دنورو اوه زره بندیانو دخوشي کولو غوښتنه هم لري . هغه په لاسوهونکو څرګندونو کې وئيلي دي تاسو یعني دکابل حکومت باید د طالبانو درستې غوښتنې ومنئ څو له امریکا سره شوي موافقه په بشپړ ډول اجرا شي .
د نورو طالب بندیانو پر خوشې کېدو تېره شنبه په قطر کې د طالبانو د سیاسي دفتر مشرانو د افغانستان د سولې لپاره د واشنګټن له ځانګړي استازي زلمي خلیلزاد سره هم خبرې وکړې، خو د دغو خبرو زیات جزییات نه دي خپاره شوي.
داپه داسې حال کې دي چې په قطر کې د طالبانو د سیاسي دفتر ویاند محمد نعیم وئيلي ، دوی د امریکا او طالبانو ترمینځ د لاسلیک شوې موافقې له مخې د خپلو پاتې بندیانو خوشې کېدل غواړي.
