د افغانستان د سولې په خبرو کښې ښځې ګډون کوي
اناتولي خبري اژانس وايي د افغانستان د ملي روغې جوړې د لوړې شورا مشر عبدالله عبدالله له طالبانو ډلې سره د سولې د خبرو په بهیر کښې د ښځو په ګډون ټینګار وکړ .
هغه په کابل کښې د افغانستان د سولې په بهیر کښې د ښځو د ګډون د دودولو په کانفرنس کښې وویل د سولې په خبرو کښې به ښځې مهم رول ولري .
د افغانستان د ملي روغې جوړې د لوړې شورا مشر عبدالله عبدالله وویل په ټاکلي نیټه به د اساسي موضوعګانو د خبرو اترو دوهم (۲) پړاو پیل شي او له طالبانو ډلې سره د کابل د حکومت د سولې په خبرو کښې به یوه(۱) اساسي موضوع اوربند وي .
د افغانستان خلک کلونه کلونه کیږي چې هره ورځ په هیواد کښې د جنګونو او د وینې د تویدا کتونکي دي او هغوې له نامنۍ او اندیښنې سره یوځای له ژونده ستړي شوي دي .
د افغانستان د سولې خبرې اترې د سپتمبر د میاشتې له دولسمې(۱۲) نیټې راهسې په قطر کښې پیل شوي دي خو تراوسه د کابل حکومت او طالبان د خبرو اترو د اجنډا په هکله موافقې نه دي رسیدلي او خلک د جنګ د ختمیدا لپاره ناهیلي شوي دي .
امریکا د افغانستان د سولې په خبرو کښې نیغ په نیغه لاسوهنه کوي او کارړنګونه کوي چې په دغه هیواد کښې جنګ ختم نشي او سوله ټینګه نشي .
