د صیهونیسټ رژیم د تیلي بایکاټ لپاره د پاکستان غوښتنه
محمد اسحاق ډار په وینا، په تهران کښې د حماس غورځنګ مشرترور په داسې حال کښې چې ټول د ایران د اسلامی جمهوریت د ولسمشر د لوړې په مراسموکې حاضر وو، د سیمې د سولې او ثبات په خلاف یو شرموونکی او وحشیانه عمل وو او هر څومره چی دا وحشیانه برید وغندوبیا هم کم دی
د پاکستان د لومړی وزیر مرستیال او خارجه وزیر په تهران کښې د شهید اسماعیل هنیه د وژلې په غندلو او په سیمه کښې د صهیونیسټ رژیم د بلا غوښتنو په زیاتیدا د ژورې اندیښنې په څرګندولو سره د ایران د اسلامی جمهوریت له دریځونو خپل ملاتړ اعلان کړاو د اسلامي همکاریو د سازمان د غړیو له خوا یی د دغه رژیم د تیلو او تجارتي بایکاټ غوښتنه وکړه .
د پاکستان د ملي ټلویزیون د راپور له مخې، محمد اسحاق ډار په جده کې د اسلامي همکاریو د سازمان په بیړنۍ غونډه کې چې د حماس د غورځنګ د مشر اسماعیل هنیه له ترور کېدو وروسته جوړه شوه ، له ایران او فلسطین سره یې د پاکستان د قوي پیوستون اعلان وکړ.پاکستان تل د فلسطین د خلکو په څنګ کې دی او له غاصب صیهونیسټ رژیم یی د خپل ټاټوبي د ترلاسه کولو په لاره کی د هغو له ایډیال ملاتړ کړی دی . له همدې امله له فلسطین د پاکستان د لوړ پوړی چارواکی د ملاتړ اعلان او هغه په وړاندې د ایران د اسلامي جمهوریت دریځ یو حقیقي دریځ دی.
د سیاسی مسایلو کارپوه مهدی جمالی په دې باره کښې وویل: د صهیونیسټی توکمپال رژیم په وړاندې د اسلامی هیوادونو دواقعي پیوستون په صورت کښې له شک پرته د دغه رژیم او د هغه د ملاتړو په مقابل کښې به اسلامي نړۍ کامیابه شي او که نور اسلامی هیوادونه هم د صهيونېسټ رژيم د جنايتونو په باره کښې د پاکستان په شان دريځ غوره کړي نو، دغه رژيم به د غزې د مظلومو خلکو د وژلو جرات ونه کړي. په دې وجه د پاکستان له نظره د اسراییلو د غاصب رژیم د بشریت ضد جنایتونو په دلیل د غچ لپاره د ايران او فلسطين حق خوندی دی او په عین حال کې باید د صهیونیسټ رژیم د جنایتکار صدراعظم بنیامین نتانیاهو له جنګی پلانونو هم محتاط واوسو، ځکه چې د اسرائیلوافراطي سرغنې د خپل سیاسي ژوند لپاره په دې لټه کې دي چی په سیمه کې جګړه پراخه کړي. خو هغه څه چې د قدس نیواکګر رژیم ته قوت او قدرت ورکوي د امریکا هر اړخیزه ملاتړ ونه دي چې د دې سبب شوی چې نتانیاهو په غزې کې د ملکیانو وژلو ته لاره هواره کړي.
محمد اسحاق ډار په وینا، په تهران کښې د حماس غورځنګ مشرترور په داسې حال کښې چې ټول د ایران د اسلامی جمهوریت د ولسمشر د لوړې په مراسموکې حاضر وو، د سیمې د سولې او ثبات په خلاف یو شرموونکی او وحشیانه عمل وو او هر څومره چی دا وحشیانه برید وغندوبیا هم کم دی . له همدې امله د صهیونیسټانو د حساب ورکولو وخت رارسیدلی دی او اسلامي نړۍ باید له بیانیو او غندنو هاخوا ګام پورته کړي، نو که چیرې اسراییل په غزه کې د سمدستي اوربند موافقه ونه کړي، د اسلامي همکاریو سازمان غړي باید د تل ابیب د تیلي او تجارتي بایکاټ اقدام وکړي .
د افسوس وړ خبره دا ده چې ځينې اسلامي هېوادونه په لفظي توګه د صهيونېسټ رژيم جنايتونه غندي، خو په عمل کښې يې خپلو مستقيمو او غير مستقيمو تجارتياړیکو ته دوام ورکړی دی ، دا په داسې حال کښې چې اسلامي هېوادونه په صهيونېسټ رژيم په غزې کې د جنګ د سملاسی بندولو لپاره د فشار راوړلو لپاره ښه اړمونه اواوزارونه لري چی د تیلو او د هغه سره اړونده شیانو ته اشاره کولای شو . .
په دې کښې شک نشته چې په غزه کښې د غاصب صهيونېسټ رژيم د جنايتونو دوام د نسل وژنې په شان دے . دغه رژيم په عين حال کښې له قحطۍ او لوږې د فلسطينيانو په خلاف د وسلې په توګه استفاده کوي. نو د مسلمانانو لپاره دا د منلو وړ نه ده چې اسلامي هیوادونه دې یوازې د صهیونیسټي رژیم د جنایتونو د دوام د غندلو پریکړه لیک صادر کړي او د صهیونیسټي رژیم په خلاف دې له خپلو امکاناتو او وسیلو کار وانخلي.
