حماس غورځنګ د اوربند د موافقې د اجرا کیدا غوښتنه وکړه
زمونږ خبریال راپور راکړی د فلسطین حماس غورځنګ د غزې په مینځګړو باندې غږ وکړ چې د نورو خبرو اترو د ترسره کولو پرځاې د امریکا د ولسمشر جوبایډن لخوا د اوربند پلان اجرا کړي.
د اسرائیلو لومړی وزیر بنیامین نتانیاهو چې د سیاسي ګټې د ترلاسه کولو لپاره د فلسطین د جنګ د اوږدولو کوشش کوي په راتلونکي پنجشنبې ورځ د خبرو اترو د یوه بل پړاو د ترسره کولو لپاره د امریکا ، د قطر او د مصر وړاندیز منلی دی.
د فلسطین حماس غورځنګ وویل مونږ د اوربند د هغه پلان عملي کول غواړو کوم چې د امریکا ولسمشر جوبایډن د روان میلادي کال د مي د میاشتې په یودیرشمه نیټه وړاندې کړ او وروسته د ملګروملتونو امنیت شورا هغه تصویب هم کړ.
حماس غورځنګ زیاته کړه مونږ نورې خبرې یا وړاندیزونه نه منو.
بل خبر دا چې د امریکا ولسمشر جوبایډن وویل په غزې تړانګې کښې به د اوربند موافقه زما د ولسمشرۍ د پړاو له ختمیدا مخکې امکان ولري.
د امریکا ولسمشر جوبایډن په یوې ټیلي ويژنې مرکې کښې د دې پوښتنې په ځواب کښې چې ایا ته باوري یې چې په غزې تړانګې کښې د اوربند موافقه به د ستا د ولسمشرۍ په پړاو کښې چې پینځه میاشتې وروسته ختمیږي ترلاسه شي وویل هو دغه موافقه امکان لري.
هغه وویل هغه پلان چې ما وړاندیز کړی دی د جي اوه ډلې لخوا او د ملګروملتونو د امنیت شورا لخوا تصویب کړی شوی او دغه پلان اوس هم عملي کیدونکی دی.
