اسرائیل او امریکا د سوریې په ناکراریو کې دخالت لري
یوه اردني شنونکي د سوریې په شمال کې بدلونونه او ناکرارۍ د امریکا او صهیونیسټي رژیم له خوا طرحه شوی پلان وباله چې د ترکیې په ملاتړ ترسره کېږي.
د سحاب شبکې د خبر له مخې؛ د اردن یوه کارپوه نبیل الغشان وویل: امریکا د سوریې په ویشلو کې د اسرائیلي رژیم د ګټو په لټه کې ده او تل ابیب هم د سوریې د اپوزیسیون د ونډې زیاتول او په دمشق او د هغه په شاوخوا کې د سوریې د حکومت کلابند کول غواړي.
د «الغشان» په وینا، په دې منځ کې ترکیه هم غواړي چې خپلو بهرنیو ځمکو ته پراختیا ورکړي.
دغه اردني شنونکي همدارنګه د سوریې کمزورتیا او ویشل د ټولې سیمې لپاره زیانمن وباله او زیاته یې کړه: دا د اسرائیلي رژیم غوښتنه ده چې له دوی سره ملګري وسله وال، د صهیونیسټي پروژې پلې کوي.
دغه اردني سیاسي کارپوه زیاته کړه: په سیمه کې حالات د پخوا په نسبت بدل شوي دي او هغه عرب هېوادونه چې په ۲۰۱۱ میلادي کال کې یې د سوریې د حکومت د مخالفانو ملاتړ کاوه، اوس د دغه هېواد د ولسمشر بشار الاسد د حکومت تر څنګ دي او د هېچا په ګټه نه ده چې سوریه بې ثباته وي.
