د سوریې د بهرنیو چارو وزیر بسام صباغ بغداد ته رسیدلی دی
ایرنا خبري اژانس راپور راکړی د عراق رسمي خبري اژانس (واع) پرون راپور ورکړ چې د سوریې خارجه وزیر بسام صباغ بغداد ته رسیدلی.
یوې خبرې سرچینې له المیادین ټیلي ويژن سره په مرکه کښې په بغداد کښې د ایران د عراق او د سوریې د خارجه وزیرانو د درې اړخیزه غونډې خبر ورکړ.
المیادین ټیلي ويژن د یوې خبرې سرچینې په قول چې نوم یې ونه ښوده وویل عراق ته د ایران د باندنیو چارو د وزیر عباس عراقچي اټکل شوی سفر نن جمعې ورځ ترسره کیږي.
دغه سرچینې وویل عراق ته د ایران د خارجه وزیر د سفر په بهیر کښې ټاکل شوي ده چې د عراق د سوریې او د ایران د خارجه وزیرانو په ګډون سره درې اړخیزه غونډه ترسره شي.
مخکې د عراق په خارجه وزارت کښې یوې سرچینې ویلي و چې د ایران د بهرنیو چارو وزیر عباس عراقچي د سوریې په هکله د خپلو سلامشورو په دوام او سوریې او ترکیې ته له سفرونو وروسته نن جمعې ورځ د عراق له چارواکو سره د خبرو لپاره بغداد ته ورځي.
