په مصر کې د السیسي رژيم نسکوریدا اړینه ده
ایکنا – د لیبیا مفیتی عربو ملتونو ته په خطاب کې روښانه کړې ده چې د مصر د ولسمشر عبدالفتاح السیسي دحکومت نسکورول یوه ضروري چاره ده.
ایکنا نیوز د عربی ۲۱ چینل له قوله راپور راکړی، د لیبیا لوي مفتي شیخ الصادق الغریاني د عبدالفتاح السیسي په مشرۍ د مصر درژیم د نسکورولو لپاره خپله غوښته بیا مطرح کړې او هغه ئې د خداي دښمن بللی دی.
د لیبیا مفیتي په هغه ویډیوئي کلیپ کې چې په ۲۰۲۲کال کې د لومړي ځل لپاره خپور شوی ؤ، له عربو ملتونو غوښتي وو، څو د مصر درژيم په ضد په ماظهرو کې دې ګډون وکړي او ددغه رژیم د حاکمیّت له شره د ژغورنې په ضرورت ئې ټينګار وکړ، هغه رژيم چې دي یو ستمګر او ظالم رژیم بللی دی.
شیخ الغریاني د السیسي له سیاستونو سره د خپل بشپړ مخالفت په اعلانولو سره دغه سیاستونه، په سیمې کې د امنیت او عدالت لپاره یو ګواښ وباله او ټينګار ئې وکړ چې د السیسي حکومت د مصر د ملت له غوښتې او ارادې څخه راپورته شوی نه دی دی او په دغه هیواد کې د بشری حقوقو د خلاف ورزیو په دوام کې دی.
د لیبیا مفیي د کلیپ په یوې برخې کې چې هغه خپور کړی دی، وائي؛ السیسي دخداي دښمن دی .... زه له درستو عربو ملتونو غواړم چې د هغه د بې انصافه اوظالم حکومت په ضد دې په مظاهرو کې ګډون وکړي.
الغریاني د ظلم او فساد په نفي کولو کې پخپلو پریکنده دریځونو باندې مشهور دی او د هغو عالمانو برخه ده چې له ظلم سره مقابله خپله یوه اخلاقي او شرعي دنده ګڼي.
هغه پخپلو اعلامیو او مقالو کې تل د ظالم او خپل سرو رژیمونو په وړاندې د مقاومت اوکلکې دریدا په ضرورت ټينګار کړی دی او د ښاریزو ترمینځ ئې د عدالت اوبرابرۍ د پوره کیدا غوښته کړې ده.
شیخ صادق الغریاني پر عربانو داغیزشیندونکو سیاسي مسئلو کې فعال دی او په ۲۰۱۳ کال کې د السیسي په رهبرۍ دپوځي کودتا یو نیوکه کونکی ؤ.
