په عربستان کښې د سوریې په هکله غونډه ترسره شوه
د عربو او د لویدیځو هیوادونو د خارجه چارو وزیرانو د ریاض په غونډه کښې د سوریې د ټولو سیاسي بهیرونو په مشارکت سره په دغه هیواد کښې د قدرت د انتقال د بهیر او د سوریې له یوهیړوالي او واکمنۍ په ملاتړ کولو ټینګار وکړ.
د سوریې په هکله د عربو او د لویدیځو هیوادونو غونډه د نړیوالو موسسو د مشرانو او استازیو په ګډون سره پرون د عربستان په پلازمینې ریاض کښې وشوه.
په دغه غونډه کښې چې د سعودي عربستان د خارجه وزیر فیصل بن فرحان په بلنه او د تیر میلادي کال د دسمبر د میاشت په څوارلسمه نیټه د عقبه د غونډې په دوام کښې وشوه د مصر، د متحده عربي اماراتو، د عراق، د قطر ، د عمان ، د اردن ، د کویت ، د سوریې ، د بحرین ، د ترکیې ، د فرانسې ، د جرمني ، د ایټالیا ، د انګلستان ، د ایرلینډ، د اسپانیا، او د امریکا خارجه وزیرانو او د عربو اتحادیې مشر او د اروپايي اتحادیې د بهرني سیاست مسوول او د فارس خلیج د ملګرتیا د شورا مشر او د سوریې په چارو کښې د ملګروملتونو د سرمنشي ځانګړي استازي ګډون وکړ.
د ریاض په غونډه کښې ګډون کونکو له سوریې سره په حائله سیمه او ګیر چاپیر سیمو کښې د صهیونیسټ رژيم د پوځیانو د پرمختګ په هکله د اندیښنې په څرګندولو سره د سوریې د نظام د بیا رغونې لپاره د سوریې له ملت څخه د ملاتړ د لارو چارو ، خبرو اترو او د دغه هیواد د ځمکني وحدت ، واکمنۍ او د یوهیړوالي ته د احترام کولو په اهمیت ټینګار وکړ.
