نتانیاهو د حماس غورځنګ د مشرانو کوربه اسلامي هیوادونو ته ګواښ وکړ
ایرنا خبري اژانس راپور راکړی د صهیونیسټ ظالم او جنایتکار رژیم لومړي وزیر بنیامین نتانیاهو د قطر په پلازمینه دوحه باندې حملې کښې له ناکامۍ وروسته د یوې ویډیو په خپرولو سره د سیمې اسلامي هیوادونو ته د حماس غورځنګ د مشرانو او غړیو د وژلو د عملیاتو د دوام خبرداری ورکړ.
نتانیاهو په هغو هیوادونو کښې چې د فلسطین د حماس غورځنګ د مشرانو او غړیو کوربه دي د ټرور د عملیاتو په دوام ټینګار وکړ.
د اسرائیلو لومړي وزیر بنیامین نتانیاهو نیغ په نیغه قطر هیواد او هغو ټولو هیوادونو ته چې د هغه په وینا وسله والو عناصرو ته یې پناه ورکړي ده وویل دغه هیوادونه باید د حماس غورځنګ مشران وباسي یا په خپله خاوره کښې زمونږ د ترهګرو حملو په تمه ووسي.
د اسرائیلو د لومړي وزیر نتانیاهو دغه ګواښ په داسې حال کښې دی چې له دې مخکې د امریکا ولسمشر ټرامپ د قطر له امیر سره په ټیلي فوني خبرو کښې هغه ته قول ورکړی و چې دغه حملې به نورې تکرار نشي.
له تیرو څو کلونو راهسې په ترکیې کښې د حماس غورځنګ د مشرانو شتون او هستوګنې ته په پام سره د اسرائیلو د لومړي وزیر نتانیاهو دغه څرګندونې یو ډول د انکارا پرضد ګواښ ګڼل کیږي.
