د مقاومت بیرغ هماغه راز په هوا کښې رپیږي
ایرنا خبري اژانس راپور راکړی د لبنان د حزب الله غورځنګ د مشر «سید حسن نصر الله »له شهادت یو کال وروسته د سیمې سیاسي او ټولنیزه فضا یوځل بیا د هغه د یاد او خاطرې تر اغیز لاندې ورغلي ده او د حسن نصر الله شهادت په چټکۍ سره د نیواکګرۍ ضد د بهیرونو د ډیرې کوټلتیا او د مقاومت له ایډیالونو سره د ژمنې د تجدیدا سبب شوی دی.
د لبنان د پخواني مشر سید حسن نصر الله د شهادت د لومړۍ کلیزې په درشل کښې د سیمې سیاسي او ټولنیزه فضا یوځل بیا د هغه د یاد او خاطرې تر اغیز لاندې ورغلي ده.
د حسن نصر الله ټرور که څه هم د مقاومت د چورلیز لپاره یو ستر شوک و خو په چټکۍ سره د نیواکګرۍ ضد د بهیرونو د ډیر انسجام او د مقاومت له ایډیالونو سره د ژمنې د نوي کولو سبب شو.
سید حسن نصر اله د نویمي میلادي لسیزې په لومړیو کښې د حزب الله مشر شو او څه د پاسه دیرش کاله د لبنان او د سیمې په بدلونونو کښې یو اغیز شیندونکی شخصیت و.
حسن نصر الله وتوانید حزب الله له یوې ځايي مقاومت ډلې د مینځني ختیځ په معادلاتو کښې په یوه مهم لوبغاړي بدل کړي.
کاریزماټیک شخصیت، د دریځونو په بیانولو کښې صراحت او د پیچلیو کړکیچونو د مدیریت قدرت د هغه مهمې ځانګړنې وې.
همدغه سټراټيژیک ځایګی سبب شو چې د تیر هجري لمریز کال په تلې میاشت کښې په یوې بې ساري او هدفمنې حملې کښې د حسن نصر الله ټرور د نړۍ د عمومي افکارو پام ځان ته جلب کړي.
داسې ترهګره حمله چې له سنګر ماتونکو بمونو په استفادې او د مقاومت د قومندنې د مرکزونو د تباه کولو په هدف سره وشوه چې له کبله یې نه یوازې نصر الله شهید شو بلکې د بیروت د جنوب د ضاحیه سیمې ډیره برخه هم تباه شوه.
خو د حسن نصر الله شهادت د هغه د لارې پاې ته رسیدل نه و.
د حسن نصر الله له شهادت سمدستي وروسته په ټول لبنان او اسلامي دنیا کښې د غصې او غم څپه خپره شوه او د لبنان خلکو په بیلابیلو مراسمو کښې د هغه یاد او خاطره ولمانځله او یو ځل بیا یې د لبنان د پلازمینې بیروت په واټونو او د جنوب په ښارونو کښې د هغه تصویرونه ولګول.
