امریکا له عربستان سره له دوو پوځي تړونونو سره موافقت وکړ
ایرنا خبري اژانس راپور راکړی د امریکا د بهرنیو چارو وزارت په سعودي عربستان باندې د پوځي هیلي کوپټرونو د روزنې او د ملاتړ د تجهیزاتو او پرزو د خرڅولو لپاره د یوه میلیارډ ډالرو په ارزښت له پوځي تړون سره موافقت وکړ.
په لومړي تړون کښې تر یوه لاجیسټیک ملاتړ پروګرام لاندې اضافي پرزې او په دوهم تړون کښې د امریکا د پوځ تر څارنې لاندې په بیلابیلو هیلي کوپټرونو سره د پرمختللي الوت د روزنې خدمات شامل دي.
د امریکا دفاع وزارت پینټاګان بیګا وویل چې د دغه هیواد د بهرنیو چارو وزارت د کابو یو میلیارډ ډالرو په ارزښت په عربستان باندې د پوځي هیلي کوپټرونو د ملاتړ وړ، روزنې او د تجهیزاتو د خرڅولو لپاره له دوو احتمالي دفاعي تړونونو سره موافقت کړی دی.
سپینې ماڼۍ امریکا ته د سعودي عربستان د ولیعهد محمد بن سلمان د سفر په وخت ویلي و ولسمشر ټرامپ او محمد بن سلمان د امریکا او د عربستان سټراټيژیکه دفاعي موافقه ایس ډي ای(SDA) لاسلیک کړې ده کومه چې یوه تاریخي موافقه ده او هغه زمونږ څه د پاسه اتیا کلن مشارکت او په مینځني ختیځ کښې دفاع پیاوړي کوي.
دغه بیانیه زیاتوي د امریکا ولسمشر ټرامپ یوه ستره دفاعي بسته تائید کړه چې عربستان ته د ایف پینځه دیرش ډوله جنګي الوتکو ورکول پکښې شامل دي.
ټرامپ دغه موافقه هم وکړه چې پراساس به یې عربستان د امریکا کابو درې سوه ټانکونه په پیسو واخلي.
