د ایران د باندنیو چارو وزیر عباس عراقچي نن جینیوا ته ورسید

ایرنا خبري اژانس راپور راکړی د ایران د اسلامي جمهوریت د بهرنیو چارو وزیر سید عباس عراقچي د اټومي خبرو اترو د دوهم پړاو او د ځینو ډيپلوماټیکو سلامشورو د ترسره کولو لپاره د یوه ډيپلوماټیک او د تخصصي پلاوي په مشرۍ د سویزرلینډ هیواد پلازمینې جیینوا ته ورسید.

د ایران خارجه وزیر عباس عراقچي به په دغه سفر کښې د سویزرلینډ د باندنیو چارو له وزیر، د عمان له خارجه وزیر ، د اټومي انرژۍ د نړیوال اژانس له مشر او په سویزرلینډ کښې دیره له ځینو نړیوالو چارواکو سره کتنې او خبرې اترې وکړي.

په جینیوا کښې د ملګروملتونو د بې وسلې کولو په کانفرنس کښې وینا د ایران د خارجه وزیر یو بل پروګرام بلل شوی دی.

د اعلان شوي پروګرام پراساس د ایران او د امریکا غیر مستقیمې اټومي خبرې اترې نن د عمان په مینځګړیتوب او زیار سره  د سویزرلینډ هیواد په جینیوا ښار کښې ترسره کیږي.