د ایټمي انرجۍ د نړیوال آژانس مشر تهران ته راورسید
Sep 11, 2021 23:39 Asia/Kabul
ایران ته د ګروسي سفر د ایټمي انرجۍ د نړیوال آژانس د واکمنې شورا له موسمي غونډې مخکښې شوی چې له سبا (دوشنبې) څخه پیلیدونکې ده.
رافائل ګروسي څارونکو تجهیزاتو ته د لاسرسۍ په سر د ایران او آژانس د موافقې په هکله د ادعاؤ له خپرولو سره هم مهاله له ایراني چارواکو سره د خبرواترو په موخه تهران ته راغلی دی
د ایټمی انرجۍ د نړیوال آژانس مشر رافائل ګروسي د ایران د ایټمي انرجۍ د ادارې له مشر محمد اسلامي سره د خبرواترو په موخه د یو پلاوي په مشرۍ بیګا د تهران امام خمیني نړیوال هوايي ډګر ته راورسیده.
د ګروسي او محمداسلامي ترمینځ ملاقات به نن غرمه وشي او د ایټمي انرجۍ د نړیوال آژانس پلاوی به هم نن ویانا ته ستون شي.
ایران ته د ګروسي سفر د ایټمي انرجۍ د نړیوال آژانس د واکمنې شورا له موسمي غونډې مخکښې شوی چې له سبا (دوشنبې) څخه پیلیدونکې ده.
ټیګونه
