د اړیکوژورتیا په بشپړه توګه د ایران او ترکمنستان په ګټه ده
د ایران او ترکمنستان ترمینځ دوستانه اړیکی د سیمې او نړۍ په سویه مخالفان لري خو باید په خنډونو بریالي شو
داسلامي انقلاب معظم لارښود حضرت ایت ا... العظمی سید علی خامنه ای نن د ترکمنستان له ولسمشر او ورسره ملګري پلاوی سره په کتنه کې د اړیکوژورتیا په بشپړه توګه د دواړو هیوادونو په ګټه وبلله او ویې فرمایل د اسلامي ایران سیاست له ګاونډیو هیوادونو سره د اړیکو پراختیا ده او دا په بشپړه سم سیاست دې .
دوی پر دې په ټینګار سره چی له خنډونو د تیریدا لازمه د اړیکو د پراختیا لپاره د دواړو هیوادونو په جدی ارادې او هوډ پورې اړه لری ، زیاته کړه البته د ایران او ترکمنستان ترمینځ دوستانه اړیکی د سیمې او نړۍ په سویه مخالفان لري خو باید په خنډونو بریالي شو .
د رهبرۍ ستر مقام ټینګار وکړ باید د دواړو هیوادونو ترمینځ د ګډو ملګرتیاو کمیشن په جدی توګه فعال وی او په دوامداره تعقیبونو سره موافقې سر ته ورسي .
په دغه کتنه کې چی د اسلامی ایران ولسمشر سید ابراهیم رییسی هم شتون درلود ، د ترکمنستان ولسمشر بردی محمد اف وویل د ترکمنستان لومړیتوب له ګاونډیانو سره د اړیکو پراختیا ده او هڅه کوو د ملګرتیا هغه سندونه چی نن لاسلیک شول ، په مختلفو حوزو کې د دواړو هیوادونو ښې اړیکی له مخکې زیاتې پیاوړی کړو .
