د روسیې خارجه وزیر د ایران له ولسمشر سره ملاقات وکړ
سرګئي لاوروف پرون مازیګر په تهران کښې له ولسمشر آیت الله سید ابراهیم رئیسي سره ملاقات او خبرې اترې وکړې
د روسیې د بهرنیو چارو وزیر سرګئي لاوروف چې پرون د خپل ایراني همرتبه حسین امیر عبداللهیان په بلنه تهران ته راغلی دی، د ایران له ولسمشر سید ابراهیم رئیسي سره یې ملاقات وکړ.
لاوروف به تهران ته په دې سفر کښې د اوږدمهاله ملګرتیاؤ او د لویدیځ د بندیزونو د سختیدو په دوران کښې د دوه اړخیزو اقتصادي اړیکو د پراختیا د موافقې د لاسلیک اړونده مسائلو په هکله له ایراني چارواکو سره صلاح مشورې وکړي.
د افغانستان او سوریې په لړ کښې د سیمه ایز امنیت په برخه کښې ملګرتیا به هم د لورو د خبرواترو یوه اصلي موضوع وي.
هم داشان د ایټمي مذاکراتو موضوع په هغو مسائلو کښې شامله ده چې د روس دغه جګ پوړی سفارتکار یې په اړه له خپل ایراني همرتبه سره د نظر تبادله او بحث وکړي.
